Lea Brink

Gerookte ham vir ʼn kouevleis Kersete.

Jy benodig:

500g gerookte ham

240g fyngedrukte geblikte pynappelstukkies

½ koppie “barbeque”-sous (gekoopte sous van jou keuse)

4 Granny Smith-appels, in dun skywe

¼ koppie volgraanmosterd

1 teelepel paprika

¼ koppie heuning

1 eetlepel gekapte salie

ʼn Gerookte ham is klaar gaar.

Verhit die oond tot 180ºC.

Plaas die ham in ʼn nou oondbak. Sny halwe sentimeter skywe ongeveer 80% deur.

Plaas die appelskywe en pynappelstukkies in elke skyf van die ham. Meng die mosterd, heuning en paprika en “barbeque”-sous saam. Smeer die ham met die sousmengsel tot die ham goed bedek is.

Strooi die salie bo-oor. Plaas in die oond vir ongeveer een uur of totdat die ham goudbruin in kleur is.

Bedien die skywe met van die aftrekselsous wat onder in die pan opgegaar het.